La Brasserie林柏軒

今日約左朋友L同佢食飯，仲有就係揾左(林)生、(林)太、(林)大公子和D小姐一行六人大吃一餐。原本想去四季酒店嘅稻菊食鐵板燒，但因天雨關係取消了。之後揾左好多間酒店Buffet都滿左，最後揾左呢間法國餐廰食Brunch。

佢其實係 Semi-buffet，Buffet有頭盤，有甜品、可以選擇加Main Course。加Main Course有無限加飲汔水，橙汁等。

首先，Buffet 其實都好多野食架喇。

頭盤

1. 頭盤有涷蝦、龍蝦仔、蟹、生蠔！涷蟹好正，有肉，有蟹味。龍蝦仔就無龍蝦味但連汁吃都可以嘅。其中生蠔（仔）有三種地方，美國蠔，澳洲蠔等地（仲有一個地方唔知係邊）。澳洲蠔最好，新鮮，有蠔味，正。美國蠔就一般喇。
2. 沙侓有都有好多選擇。
3. 仲有鮮帶子，煙三文魚，三文魚肝，仲有一種肝我無食，唔知係乜。三文魚肝同三文魚都唔錯，鮮帶子有少少腥，唔係太新鮮。

熱葷

有魚，有牛肉條，有法國雲吞，有龍蝦汁蒸蛋。因我有叫Main Course ，所以唔係食左好多肉。牛肉條都好，法國雲吞就不如中國雲吞啦。龍蝦汁蒸蛋唔錯呀，好味。

更新：唔記得有無限量香煎鴨肝，好好食！我怕膽固醇，所以只食左一客。朋友每人各食左四、五客。

Main Course

有四種選擇，魚，羊膝，肉眼扒，龍蝦

1. 我叫左羊膝，嘩好大碟，以經食左Buffet嘅我見到有啲眼到凸埋。完全無羊羶味，好[lum]，不過我覺得好似食豬肉咁，哈哈。
2. L先生叫左魚，我無食，我唸應該唔錯。
3. (林)太食肉眼扒，都好大碟，都好正，六成，火喉啱啱好。
4. 龍蝦要加三佰二，無叫啦。

甜品就正，有Cheese Cake，有Blueberry加Apple Jelly，有特色。有朱古力蛋糕，好味。朱古力fountain。仲有好好味嘅朱古力加朱古力碎雪糕，真係好好味。但太飽了，只吃了一個。

之前因無期望，食落真係有驚喜，係我食咁耐Buffet 頭三甲之內。侍應好好服務，態度又好，讚！由十二點食到两點半（佢時間係十一點半到三點），全程食，唔係好夠時間。Openrice 有七五折，埋單一千三佰幾，每人都係二佰五，抵！

另外(林)大公子坐我側面，好乖，好得意。

評份：九十五（咁嘅價錢，咁嘅食物質素，咁嘅服務，佢值呢個份）