試味

有日同朋友係荃灣廣場吃完飯，走過吉之島，見到有promo(原來成日都有)，走去睇吓有乜好野。見到有好多麵買，於是買左两款。

第一隻係小海老天婦羅喬麥麵。啲蝦係好難食，係蝦乾，苦笑。喬麥麵同麵豉湯都好味。不過因為啲蝦，仲要十三蚊，唔會再買！

第二隻係熊本黑拉麵，就好好味啦。麵係超彈牙，湯底好濃郁味，黑油好香。不過可能我落左全部湯粉，比較鹹。二十二個九一包，有两個麵。可以試吓其他味。