Juri Training 中

呢個禮拜比較好的戰績：

維多利亞壹號(三級)

尋日朋友得閒，問我有乜戲好睇，我建議不如睇維多利亞壹號啦。我和友人都好怕睇恐怖片架，不過我又睇左葉問2，無其他選擇之下才睇的。原本見啲評分係3星度，仲要60蚊，無乜其望，但睇完之後覺得好好睇呀！有興趣看嘅朋友請移玉步到戲院買飛，不要看本文。

套戲講何超儀自小住喺啲舊區，屋企地方好細，所以由細到大的願望係買樓，仲要望海，一心睇中維多利亞壹號望海單位8B。當時喺07年樓市好景時間，八千蚊尺啊何超都買（Hardsell 同名樓盤？）原本儲夠錢可以買，但業主加價，以至佢short左，走去殺人。

成套戲有好多血腥畫面，啲血喺咁不停噴出來。拍攝手法用倒敍加殺人敍去描述主角心情同殺人動機。一開始就殺左個警衛，呢個無關係，但令我感到之後成套都係咁殘忍。以下一次過列出殺人事件：

1. 警衛大口青:cutter自插大動脈死
2. 8A單位賓妹:從後腦插穿眼死
3. 8A單位女主人葉璇(大肚):俾何超儀拉低，壓住大肚出羊來後再俾真空吸綿被袋笠死
4. 8A單位主人單立文:打完Golf回家，和何超糾纏中跌死
5. 陳偉雄:被割破肚皮及數隻手指，大小腸溢出，但未即時死去
6. 曾國祥:毒品玻璃瓶插頸而死
7. 妓女宋小澄(好靚):俾何超儀撼爆坐廁而死
8. 周俊偉:同妓女周楚楚玩推車時，俾何超儀從背後身中多刀而死，再被切jerjer(好大碌haha)
9. 妓女周楚楚:口被插床板木條，未死得晒，之後混亂中跌倒被木條插穿後腦而死
10. 差佬Juno:槍擊走火混亂中，面部中槍大量出血，再被何超儀係大陽穴補一槍
11. 差佬駱應鈞:同周楚楚糾纏中，被周楚楚割破頸部，大量出血而死

套戲其實都好好笑架(我覺得好過志明與春嬌)，以下例子：

1. 两個小朋友用對講杯由每句Over到每句仆街
2. 曾國祥解釋周俊偉唔玩3P嘅原因
3. 何超儀去時鐘酒店睇電視，全部都係鹹片
4. 周俊偉被切jerjer，妓女周楚楚話你好多呀
5. 陳偉雄被割破肚皮後仲要食煙
6. 陳偉雄被何超儀補一槍後嘅死樣

另外，有好多爭議性的事，如何超儀要俾首期，連自己老豆都殺，仲要攞埋啲保險金去買樓，真係咁無人性？明知男朋友有老婆都同佢一齊，成為其泄欲工具？話時話，我自己覺得何超儀殺人動機係想有人命事件令樓價下跌。另外，我和朋友都一致覺得何超儀好靚，好有眛力！

評分：88 （推介）

試味

有日同朋友係荃灣廣場吃完飯，走過吉之島，見到有promo(原來成日都有)，走去睇吓有乜好野。見到有好多麵買，於是買左两款。

第一隻係小海老天婦羅喬麥麵。啲蝦係好難食，係蝦乾，苦笑。喬麥麵同麵豉湯都好味。不過因為啲蝦，仲要十三蚊，唔會再買！

第二隻係熊本黑拉麵，就好好味啦。麵係超彈牙，湯底好濃郁味，黑油好香。不過可能我落左全部湯粉，比較鹹。二十二個九一包，有两個麵。可以試吓其他味。

Super Street Fighter IV ﹣ Juri and Cody

四月廿七日出Super Street Fighter IV，呢幾日晚晚上網對戰中。做緊Juri 和 Cody 嘅 Challenge Mode.

基本上新角色好易上手，連招非常容易。

Juri 介紹同心得

1. 好多時用c.lk＋大車輪都扣好多能源。 EX 大車輪有無敵時間。
2. Juri嘅重脚都好長。
3. 連招通常用 c.lk + c.lk + s.mk ，幾易出。s.mk 有两hits。
4. 突進技有dash，前 s.hk 或 s.mk。就咁s.mk係打中間，同c.viper 嘅 前 s.mp 一樣，啲人坐係度就中梗。
5. 對空技可以用 s.hk 同 c.hp。
6. mk 和 mp 嘅判定都幾好，大部份角色用mk已經可以counter 到。但m.bison(同guy)就要用mp連大車輪，其他脚呀都唔夠佢快同長距離。
7. 大車輪係可以counter 到 Barlog 嘅前衝拳，不過好似要先讀。
8. 遇到 Blanca，蘇聯佬 有啲唔知點打，打極都有血。
9. 遇到波昇系角色要好肯定打中佢先出大車輪，其實佢用昇龍拳係中間係可以破到。
10. 唔好成日用跳起飛脚 (shikusen)，要間唔中扮吓跳起先令人混亂，如果唔係，人地用昇龍拳昇死你。
11. 令外 shikusen ＋ UC2係時間方面要角色彈牆後人在你自己頭頂同彈牆位中間先出 UC2先可以連到。
12. 仲有係 j.mp 咁短，都唔係咁易打中人，用佢連 UC2 啲確有啲難。

好，show 吓自己用iphone + iMovie 做出來的片先。

Cody 介紹同心得

1. 我用 Cody 用左两日發覺佢幾好用，可朔性都好高，傷害好高所以比較容易打死人。
2. 基本連招係 j.hp -> c.hp -> criminal upper 。我見阿ryu 中呢招都扣左四分一血。:p
3. 我比較鍾意用 UC2 Last Dread Dust 做 Ultra。因為 Final Destination 通常打唔中或出唔到就食晒人地嘅招。UC2 無敵時間好長，可穿波，可破Akuma一撃千殺， 可破滅昇龍拳 。
4. Ruffian Kick 可以用突進技，但係唔中就死，不太建議使用，就算係用都用中度好啲。
5. Criminal Upper 嘅出手好快，但判定不太高。

好，因為唔係用得太多 Cody ，所以只可以講到咁多。遲啲再更新一吓。

註：招係用 x.y code，

x = j - jump, s - stand, c - crouch;

y = lk - low kick, mk - mid kick, hk - high kick, lp - low punch, mp - mid punch, hp - high punch

Iron Man 2 鐵甲奇俠2

今日好天氣真好，老早約左朋友L去睇Iron Man 2。上網check 左唔係咁多人（一點嗰塲，早塲一早沽清>.<），於是去到先買飛喇。

之前Iron Man 我無睇過，所以無乜其待。套戲講 Tony Stark (Iron man) 自從出左名之後，美國政客話國家安全，要佢交返套鐵甲出來奉獻俾國家（一貫大美國主義，仲衰過共產主義！）佢當然唔俾，仲好寸咁話自己嘅科技俾其他人快五至十年。點知佢老豆之前個partner嘅仔又整一套出來，搞到好大鑊。佢又因為中毒（鈈中毒，Iron Man 套野嘅能源），成個人傻傻地。佢個friend 頂佢唔順，攞左佢套鐵甲俾國家。最後軍方整左成支Iron Man 無人駕駛軍隊出來，但俾人種左程式。於是一塲大戰就開始。

如果你喜歡美國Super Hero，都好好睇嘅。，不過套戲有好多塲吹水戲，有啲悶。两位女主角啲戲都唔知要來做乜，但佢地两個都好正！Gwyneth Paltrow 好正呀，Scarlett Johansson好索呀！最後個塲啲無人駕駛軍隊飛來飛去睇到有點想走。

我有好多地方唔明，個主角係屋企整到粒子機？咁容易揾到新Element? 有人可以咁易hack到system咁不如遙控核彈好過？！嗰Iron Man能源咁勁，仲有十幾廿件，自爆起應該可以摧毀成個市或者省喇。睇故唔好駁故係無錯！好似個個人都去到主角嘅研究室，自出自入？俾多廿年都做唔到咁樣用手去access個system...lol

其實Scarlett嗰塲打鬥係特別加俾佢表演上位。勁多大頭！

啲音響真係好正，要係戲院先有呢種感覺。

評分：75 （可以一看）

相片連自Apple